Gimnasiopi
Eddyqa masin Beawan gimnasiopi kachkan.
Payqa juk warmita, juk k'acha qharita ima rikun.
¡Ay, mana! Ñawpa munasqay Penélopesina kaypi musuq munasqanwan kachkan.
Ancha k'acha lluqalla, ¡khurkunpis mat'illa qhawariy!Pachi, Bea. Kunanqa aswan allin kachkani.Payqa qam sapa kuti kay gimnasioman jamunaykita yachan, ¿imaraykutaq paywanpuni jamurqari?Tumpata rumpirisaq. Chaymanta allillan kasaq.Eddyqa purina makinaman rin.
K'acha lluqallataq Eddyp qhayllanpi purina makinaman wicharin.
Imaynalla, ¿riqsinakunchikchu?Qhispichiway, rumpispaqa mana parlayta atinichu.Eddyqa rumpiyta qallarin.
Sinchi kallpawan rumpinki.¡Yachani!K'acha lluqallapis rumpiyta qallarin.
¡Qampis ñuqajina utqayta rumpinki!Eddyqa Penélope paykunata qhawachkasqanta rikun.
Chiqanpi, ñuqa aswan utqayta rumpiyta atini.Eddyqa purina makinanta astawan utqayman yapachin.
¿Kayqa atipanakuchu? ¡Imaraykuchus atipanakunata anchata munani!Lluqallapis utqayman yapachin.
Suyariy, yachaniña maymantachus riqsisusqayta. ¡Qam Penélopep ñawpan kanki!¿Penélope ñuqamanta parlasurqachu?Mana, ichaqa redes socialespi qamkunap phutuykichikta rikurqani.Jukllata, Eddyqa purina makinamanta urmaykun. Lluqallataq yanapaq rin.
Penélopeqa Eddy chiqanman t'ijun.
¿Allinchu kachkanki?Mana… ¡Kunallan ñawpaypa munasqanpa ñawpaqinpi urmakuni!Mana munasqaychu. Albertoqa sispa wawqiy.Ñuqaqa sumaq qharikunata munani.Ah…Qamtaq ancha k'achasina kanki.Chayrayku qampa qayllaykipi rumpiyta munarqani.