Walutik

Lin koit konyin nebo goroba ak ngecheret nebuluu.

Lucy kosomani en ngecheret.

Keer, kaal ngecheret neleel nebo inchoor!

Maayoni ale keboisien rabinik en non! Tos keboisien siling ata?

Maboisien akot siling! Kanyoru en tainebo kot nebuluu.

Abwate ale kwondo nekimenye yon kokome, ago mie…

…Nguni ketinye ngecheret neleel!

Mewendi indoi en inchoorinyon, tos maunon?

Kangen ale mechome.

Mawendi kotogu komie ak kitambaokab tirisio…

Abwate ale nyolu keal kitambaok chelelach chebotirisio.

Eeh! achome kitambaokchok chebo tirisio.

Ago ngot keal kitambaok che lelach chebo tirisio…

…koyoche keal pilo chelelach kora!

Achome piloisiek chekitinye.

Oh! awendi aale kora taisiek chelelach inchoor ini kowendi kokararanitu!

Achame ole ibuurto nguni.

Mutyo, ago awendi awale kitugul! Abaibai missing'!

Yoche keal tuguk chechang…

Eeh, ago ngecheret komaliban kit agetugul… ibwate?