Wagat en karitab maat nebo kemoi

Lucy ak Lin komiten karitab maat nebo kemoi. Choboksei ichek asi koruiyo.

En yoton, kogas ichek wagat.

Tos kegas non?

Eeh, imuche komichi ole ng'oi.

Lucy koyem kotokyigee kurget asi kotyem kogas komie.

Awendi akeere ngot komi komie kitugul.

Achicha! ago ngot komiten rumindet sang yun?

Ikeere kiptang'anyit missing'.

Mamoche ame!

Awendi atoloitu ngot awe ak akeer.

Ago awendi atoloitu ngot isusyi kurget ak kebe keruye.

Haiya, awendi abuure en yu.

Asi, en kemoi kwen, kong'et Lin. Kokeer kole mamiten Lucy itog nenyin.

Oh, achicha! Miten ano?

Lin kowendot en faranda en yoton. Kogas Lucy kowache en suum nerubegee.

Kolabat inendet ak koyat kurget.

Orit ensuum, Lucy kopire karata ak chamaitab kwonyik.

Batyem? amune sigewache?

Lin, ni ko chorwenyun neleel, Camila. Inendet koma rumin.

Ago karabet dolaisiek bogol agenge apire karata ak inendet.