Kabeletabkee nebo kekit

Lucy ak Vikram komiten kabeletabkee nebo kekit. Kochob chitugul kekinyin.

Kokeer ichek Lin en mesetab kiruogindet.

Lin, yoche ityem kekinyun nebo strawberry. Ak asi imwachi chitugul ile kararan missing'!

Achicha, kekinyun logoiyat ko kaigai.

Atyeme kekisiek tuwan ak agonu tilet.

Tyem nenyun netai.

Kekisiek chuk ko kororon missing'. Ama isage kiayochi kasit olekipchoptoo en kenyisiek.

Ma iman. Ingen chitugul kole batyemisiek kochobe kekisiek che kororon missing.

Lin kotyem koam kebeberiatab kekitab Vikram.

Vikram… kararan nia!

Tyem nenyun nguni!

Lin kotyeme kekitab Lucy.

Neng'ung' kora kokararan missing batyem. Anyiny ago ma missing'.

Ago… tos ainon ne kararan missing'?

Mmm… Abwate ale yoche atyem kora.

Asiorore nia. Maaru kemoi tugul akeere kiptang'anyit ak autyen aamis.

Lin kotesetai koamisiei.

Ak asi? Tos kaibelis ng'o?

Ibwat ile imenye konyun ameliboni kit agetugul.

Ago ibwat ile abakora agonin biskut!

Ni ko tilet neui nia…

En yoton, Oscar koitu mesetab kiruogindet.

Mutyo karagaagee! Achobot asi atyem kekisiek.

Oscar, tos ikiruogindet?

Eeeh! Tos ng'o age neimuche koig ogiliotab kit nebo komonut missing'?

Lin, koabwate ale koi kiruogindet.

Mamwaa ale koakiruogindet.

Ago kemiten yu mesetab kiruogik.

Oooh, ngamun kondoi maat simoinyun yekotebenan atyem kekisiekwok.

Oohh, nemie… tos miten ano kekisiek?

Eh… kaam.