Saletab Lily

Agenge en saletab Lily komiten kabarunetab musoknatet.

Betut neiboiboite neune! Abaibai missing en inye!

Miten pichainik chekikisal chechang yu momi chii neale nenyun.

Eeh miten! Kararan neng'ung' missing!

Ma iman.

Koitu biik ak konam kokeer pichainik chekikisal.

Tos ibwate ile pichaini kikisal kokararan?

Zari kongwereri pichaitab Lily.

Zari, shhh!

Tos kayai ne? Amoche chitugul kokeer pichaing'ung'.

Zari, kaigai… Iteweron.

Haiya, Lily…

Kapchi kokeer pichait nekikisal. kochomji gee ichek ago kotestai koyem.

Kokeer ichek pichait nekikisal nebo taptet nerube pichaitab Lily nekikisal ak koal ichek.

Mamuche ayan ale kaal pichainon nengung' ko kararan missing'!

Yeibata sait agenge, kogakealda pichaisiek chechang. Nebo! lily kotakomiten inat.

Mmm… mami chii nekaal pichaing'ung'?

Achicha…

Eh… awendi babit en kasarta.

Zari kowo kong'ololji nebo tugetab musoknatet.

Iamune nebo bet, amoche aaal pichaitab Lily.

Tos ainon?

Nin miten yun. Mamichii nekaal ago mamoche konerech chorwenyun.

Bik chechang kokamoche koal pichainon, ago machomji.

Nee? ago amunee?

Non ko pichait nekararan missing' nebo kaboruent ago amokyinigee!