Amuche ayai kit agetugul
Eddy ak Bea kourereni tenis.
Kongoi en kasarta nekeboisien ak ane, Bea. Akase komabaibai betusiek chekogobata.Choronok chuk chebo sugulitab barak koboorotin, ago tomo aboor.Eddy kokwer mpiret.
Sobenyun koyache kowalak.
Kaigai… mwowon ile mewendi iale karit nekali missing' anan inam ilach jinisiek che igiche bik.Tos kararan metit? Matinye rabinik asi aal karit ne kali.Eddy ak Bea kotebot.
Eddy, tos irire anan iyoywani?Tuguk tuwan.Tomo gai ayai kit age tugul nebo kamanut ago nguni karagaagee missing'.Matimwaa non! Taimuche iyai kit nebo kamanut.Tos mebwate ile aos missing?Achicha, yoche kityok iboisie igilgee en tuguk cheimoche.Amuche ayai non!Kararan. Asi… ketyin iruban: "Amuche ayai kit agetugul!"Amuche ayai kit agetugul!Kararan missing!Awendi ayomdai en urerietab Olympic!Nee!?Urerietab Olympic komiten en kemeut nerube. Yoche anetkee kabisaa.Tos imoche iureren ak ane kila betut?Eh… nemie… Eddy… Ui nia keureren en urerietab Olimpiks.Ago mebwate ile akararan missing'?Ma non, ago rwoikab Olimpiks koname boisienywan komengech kou Junior.Iman!Tomo kogagee missing' Junior! Anetegee missing' ak inendet ago tuun koigu labatindetab Olympic.Tos ing'alale agobo Junior nenyon? Werto nemang'u kityok en kot asi kwal urerietab filimisiek?