Kecheiyat agenge
Vikram ak kwondanyin Priti komiten teksi. Priti koboisyen simoinyin.
Priti, tos inde simoing'ung' oleloo?
Kayoktoi kabuetab soet nebo let. A chobot agobo rutoitonyon!Kounon ngamun kageit!Vikram ak Priti komong' en teksi.
Priti kotogu kole neregat ak konem simoinyin.
Kora ak simoit?Ketindetab teksi kokalabati missing'. Awendi agochini inendet kecheiyat agenge.Asi… kecheiyat agenge ko kit neya ago kecheik mut ko kit nekararan?Abakora, eeh.Haiya. Asiorore, ngebe keam amitwogikab lang'at.Kabwatutiet nekararan!Komut togindet koba mesenywan.
Nichu menusiek. Kit neya, maketinye njirenik.Priti konem simoinyin.
Bagach iboisien simoit!Mami samakiat agetugul? Agochini kecheik somok makawet.Priti, kimi rutoito ago mebagache isire ripot.Haiya! nguni awendi andoi taban!Yeibata amitwogikab lang'at, chemogetab hoteli komut Priti ak Vikram koba suum neng'wang'.
Suum neka kararan missing' en hoteli!
Kokikeer ripot neng'ung' agobo makawenyon.Kingen kele mebaibai kigonok suum ini ak amitwogikab karon chebo buch.Kimang'u kinyoru ripot nekararan.Komanda chemoget. Vikram kong'wereri simoitan Priti.
Asi? iwendi isire ripot nekararan?Ago koile ko rutoitonyon ak kayoche abagach asire ripot.Ago… mechome suum?Oh, haiya…Priti konem simoinyin.
Kecheik ata?Kecheik mut en hoteli ago inye kecheiyat agenge.