Eddy, cheptab laitoriat
Junior koite chiket ak koborchi Eddy ngoroikchik chebo ureriet.
Keer, Bamongo! Tos ichome ngorietab urerietab ndaret?
Eeeh, Achome!Kararan! ago nini ngorieng'ung' nebo tumdanyun nebo sugul!Junior koborchi kwandanyin marindet nearus nepirir ak kutwet.
Eh… Mamoche alach non.Nee? Marindet anan kutwet?Ma agetugul.Ago en kitabunyun neachome, nome ndaret cheptab laitoriat. A ndaret ago i cheptab laitoriat.Tos mamiten nyiganetab luget en kitabunon?Amuche alach ngorietab nyiganetab luget, tos maunon?Kele amuche alewen ngoroik!Angen, ago sigik alak kororechon…Abakora imwowon ile matilu kiy kit neibwate bik alak.Eeh, ago non kogotomo anai ale yoche alach marindet…Sigik chechang koloche ngoroikab nyiganetab luget.Memoche ikerkeitu ichek, tos memoche?Nyolu iteritu bamongo, Bamongo.Imwoe iman, Junior. Tos koing'omitu missing'?Kongoi en muswoknatet.Eddy kolach marindet.
Itagurat missing'!Koyem koba sukulitab Junior en tumdab ngoroik.
Kowo kwony kong'ololchi Eddy.
Wei, Marindet nekararan!Kongoi, koleweni werinyun. A Eddy, cheptab laitoriat.Sonia, kongoi kagetuye. Kolewenwon cheptanyun agane ngoroikchuk!Tos i ng'o?Konem kwonyoton rotwetab chok ak koborchi Eddy.
A nyiganetab luget!Ago kasoru cheptab laitoriat!