Muswoknatet neleel

Lucy kochule borto. Lin kochutu koot ak simoinyin en eunyin.

Batyem, atinye muswoknatet ne leel en simoinyun!

Abakora itinye muswoknatet neleel.

Muswoknatani komwoun ngot itinye itondab borto nekararan anan achicha.

Ingen ale atinye itondab borto nekararan.

Tebutiet netai: Tos kekwa ata raani?

Elpusiek taman.

En iman? Kararan! Kakwa… tiptem ak tisap kityok.

Tebutiet nebo oeng: tos isibi amitwogik chekororon?

Eeh, ak aame kityok dessert en igorwek chebo kamanut.

Abakora aame dessert…

Tebutiet nebo somok: Tos iyee kikombok ata chebo beek en betut?

Sogol!

Achome beek! Au njiriot en nyanjet!

Sogol? ayee bek kikombok oeng kityok chebo beek en betut.

Tebutiet nebo angwan: tos irue saisiek ata kemoi agetugul?

Cham arue saisiek taman. Ago ngot awe amarar arue saisiek sisit kityok.

Saisiek sisit?

Tebutietab muut: Tos iimegee abakora?

Yon katebenan mochokorenyun tebutik chechang.

Batyem, itondab borto kobo kamanut. Sirto kenyisiek ago merimining missing…

Abwate ale yoche iyai tyemutik.

Ane? ago amunee?

Amun merue komie, mesibi amiwtogik chekororon ago meyee beek cheyome.