Tiletab sumekab Eddy

Eddy kolabat konamu Lucy en taitab konyin.

Eeei, Eddy! Kalyan sumeguk?

Oh! Tos ing'alalen tiletab sumekchuk che lelach? Tos ichome?

Achicha, en iman koyaach kabisa.

Tos iwe salon? Magat missing.

Achicha, atinye tuiyet en takikosiek tiptem.

Oh, achicha! tos awendi ayae ne?

Nemie, ngekeer. Imuch mayaach missing'…

Inaktaen meting'ung' kowo eutab tai, kaigai.

Eddy konaktaen metinyin. Lucy kokeer tiletab sumek komonda.

Eh, achicha nguni… Inaktaen meting'ung' kowo katam.

Eddy konaktaen metinyin.

Achicha, mutyo. Makororon missing.

Tos koiboisisen siling ata itil sumek?

Buch, kobo buch.

Yoche kong'alalji chii waindeng'ung' nebo sumek ak komwachi kole maingen koyai kasinyin.

Kaiyai.

Nee?

Katil sumek chuk.

Koaker filimit en muswoknatet ak uon nyumnyum nia.

Eddy, yoche iyapte tuyeng'ung'.

Achicha, sis. Keer, atinye walutiet. Kiroisit!

Eddy kolache kiroisit. Lucy kotogu kole iimege.

Ak nguni tos ne neya, Lucy?

Eh… Nemie…

Tos itinye kiroisit age?

Amunee?

Kiroisi non ko ya kosir tiletab sumek.