Matinye tokset

Eddy komiten kotab goroba nebo Oscar. Ichek kokeere kiptulit en kiptang'anyit.

Eeh! oba, timit!

Tos kekeer goal inon?

Achicha, Eddy… kelenjon kenyone en takikosiek oeng ikeer olewendito ureriet.

Kakosirto sait agenge ago taimiten yu.

Angen, nyolu ibaibaitu missing', tos maunon?

Eddy, ang'etat missing'.

Pizza tuten kongetin.

Achicha, kakogaagee missing asi aam pizza.

Achicha! angen tugetab pizza nekararan missing' ne takoyatat agoi ko gagogagee.

Eddy konem simoinyin en lolenyin.

Mmm… Matinye tokset. Tos tinye simoing'ung' tokset?

Óscar kokeere simoinyin. Tinye tokset nekararan missing.

Achicha, mutyo.

Ago ye negit kurget, tokset ko kararan missing'.

Eddy koyem kowo kurget.

Matinye kora tokset.

Ak ani ngot iyem imande kurget? Non koboisiei saisiek alak.

En faranda komiten tokset nekararan?

Eeh, kararan missing'!

Eddy koyote kurget ak komanda en kotab goroba.

Oh, eeh! Tokset ko kararan missing' en yu faranda.

Oscar kolabati, kochut konyin ak kosusyi kureget.

Ohhh… En let kakowo!

Simoitab Oscar korire.

Oscar konam simoit. Pirchin Eddy inendet en faranda.

Oscar? Susyinot kurgeng'ung'. Tos iyotwon, kaigai?

Tos kele nee? Mutyo, ago ya tokset nia.