Tos ni koma tuyet?

Junior ak Lily komiten kotab kabwatet.

Achome koi bo kabwatet!

Eeh, kararan, ago tuyoni ko kararan kora!

Kany kiten? Junior, ni ko ma tuiyet.

Ago inye ak ane kityok…

Non komamwoe kitaagetugul.

En kasitab somok kigibe tuwan tugetab kitabusiek ago kima tuyet.

Kany… Non koma tuyet kora?

Achicha, aribin! Makimuche ketinye tuyet.

Maguitosi. Tos iaroru tuyet, kaigai?

En kabarunet, tuitos bik en makawosiek.

Kikibe keam amitwogikab bet tuwan en tugetab coffee!

Achicha, ago yoche koik en makawet nekararan missing, ma tugetab coffee.

Ago kiialwon sándwich…

Eeh, ak rabinik che kigonon konut.

Taban en non, bet nguni. Tuyosiek ko cham kokemoi.

Yeibata wigit agenge, Junior kotuiyen Lily en kot nekikeren filimit.

Chamgei, Lily! Kimangen ale ichome filimisiechu.

Chamgei, Junior.

Kararan! Bandechu tugul ko cheguk inyegen?

Ngot imoche, itebote iruban ak iam bandek chuk.

Ago koma king'alal ak ibwat…

Eeh, angen. Ni koma tuyet!

Taban en non, atinye tuyet raani kemoi.

Zari kotebot korube Junior. Tinye inendet chekiyee oeng ak bogisitab chokolet en eunek chik.

Keer, kaal chokolet ak rabinik cheka konon konut.

Kongoi, Zari. Ni kowendi koigu tuyet nekararan missing!

Junior, ni koma tuyet.