Kit neleel
Lin ak Bea komiten mbaret.
Tinye tuwan kit ne kichoboitoen en eunekwak. Miten logok che ichoboito en bogoiyot en ole negit ichek.
Tos imwowon kore amunee sikeyoi ni?
Abakora amoche achabaita.Atyeme ayai kit neleel betut agetugul!Haiya, non ko amunee neng'ung'.Ago maguitosi amunee ami yu.Amun i chorwenyun ak imoche itoreton ak ayai kiy ak ane.Matiimge… Ikeere, iboiboite!Ago… tos mebwate ile kiosen missing' asi kechabaiten?Kany kiten? Makiosen!Kiiechen en kenyisiek taman kosir chitugul en yu.Lin, riibkee!Chepto netinye kenyisiek sisit kochabaita en chokchinet ole negit Lin.
Mutyo, matam!Tos kaagas komie? Tos kakurenon chepon "matam"?Bea korori.
Ha, Ha, Ha! lany kit nekichoboitoen ngetyem tuwan.Ngot ibut, anamin. Amwoe iman!Haiya, atyeme.Lin kolany kit nekichoboitoen ak kobut.
Kemwaa ile inomon!Mutyo, ago kayaak kitugul en chokchinet missing'.Bea kotoreti Lin kong'et.
Nyon ak ane, nge chabaiten ak chepto nekakurenen "matam".Saisiek alak, Lin ak Bea komiten sipitali.
Bea kokaiiri eunyin.
Abwate ale keba kechabaita koka kabwatutiet neya. Ago en iman achome ayai kit neleel kila betut.Nemie… Tos keiri kiy?Achicha…Tos ikeere? raani keyai tuguk oeng chelelach!