Llamkha vestido
Lilyqa mamanwan juk tiendapi llamkha vestidota rantinanpaq kachkan.
¿Chiqapunichu, Ipay Bettyp sawarakuyninman rinanchik tiyan?
Arí, ¡kayjina unaymanta sawarakunqa!Ichaqa ñuqaqa llamkha llimp'ita chiqnikuni... ¡Vestidokunatapis chiqnikuni!Yachani, ichaqa tukuy runa sawarakuypi llamkha vestidota, mana chayri yana trajeta churakunanku tiyan.Lilyp mamanqa juk juch'uy llamkha vestidota rikuchin.
¿Kayta munankichu?Mana, ancha juch'uy.Mmm, allin, ¿kayri? Jukninmanta aswan jatun.Phurukunayuqqa, mamay. Mana p'isqujina rikukuyta munanichu.Kayqa p'inqay. Juk kutillata vestidota churakusaq.Ichaqa sumaq suyasqa p'unchay ipayki Bettykipaq.¿P'achaytari manachu munanki? ¿Chaychu?Mana chaychu. Qampaq allin vestidota mask'achkani. Wak tiendaman jaku.¡Mamay, suyay! Tukuy mink'asqakuna llamkha vestidota mana chayri yana trajeta churakunanku tiyan, ¿ichari?Lilyqa mamanman juk juch'uy yana trajeta rikuchin.
¿Chiqnikunki, ichari?Mana, sut'inmantaqa, qampaq allinpuni kasqanta yuyani.