Yachakunay tiyan
Ancha tutaña. Eddyqa, Junior baterianta waqachiptin rikch'arin.
Eddyqa Juniorpa puñunanman yaykun.
¡Junior, chunka phaniña tutapi ¿Kunanpunichu bateriaykita waqachinayki tiyan?
Allin baterista kanaypaq sumaqta yachakunay tiyan nirqanki.Ari, ichaqa mana kayjina tutakama yachakuyta atinkichu. ¡Iskayninchik samarinanchik tiyan!Qhispichiway, tatay.Q'ayantin paqarin ancha sut'iyaymanta, bateriap qhapariynin watiqmanta Eddita rikch'arichin.
Junior, ¿Ima phanichus kasqanta rikunkichu?Ch'isipi mana yachakuyta atinkichu nirqanki, ¡ichaqa kunanqa sut'iyamunña!¡Ichaqa phichqa phanillaraq!Qhispichiway tatay, ichaqa yachakunay tiyan.Yachani, waway, ichaqa ama puñuchkaptiyqa.Q'ayantin p'unchaw Eddyqa samarina wasipi llamk'achkan.
Juniorqa bateriata waqachiyta qallarin.
¡Junior!¿Kunanri, imata ruwani?¿Sapa kutichu bateriata waqachinayki tiyan?Ichaqa mana puñuchkankichu.Mana, ichaqa llamk'achkani, manataq chay chanrawan sumaqta llamk'ayta atinichu.¡Ichaqa conciertoypaq yachakunay tiyan!Allin…Wak p'unchaytataq, Eddyqa Juniorpa conciertonpi kachkan, ichaqa puñurpachkan…
Wak tata parlapayan.
Yuuu, ¿walliqllachu kachkanki?Ari, sayk'usqalla kachkani. Mana allintachu puñuchkarqani.Jap'iqani, ichaqa kay waynata qhawanayki tiyan bateriapi. ¡Ancha yachayniyuq!Qhawana patapi, Juniorqa bateriata sapan waqachichkan.
¡Payqa churiy!¿Chiqachu? ¡Ancha yachayniyuq!Ari, yachani. Payqa sapa p'unchaw ñuqarayku yachakun.