¡Eddy kuraq kamachiq!

¡Eddy kuraq kamachiq!

Eddyqa wasinpa jawanpi allin jatun letrerota llimp'iyta tukuchichkan. Lucytaq chayan.
EddyImaynalla, Lucy. ¿Kay letrerota pirqaman k'askachiyta yanapawankimanchu?
Lucy¡Imayna manari!
Lucyqa letrerota ñawirin.
Lucy¿"Eddy kuraq kamachiq"?
Eddy¡Arí!
Lucy¿Imaraykutaq llaqtanchikmanta kuraq kamachiq kayta munanki?
Eddy¡Imaraykuchus políticos ñisqa mana qamtajina ñuqatajina imatapis mañakuptinchik uyariwanchikchu!
LucyIchaqa Eddy… Qamqa politicata chiqnikunki.
EddyAri, ichaqa runata anchata munakuni. Juk sumaq kuraq kamachiqtaq runamanta llakikun.
LucyChayqa chiqan. Ichaqa kuraq kamachiqpis llaqtap kamachiykunanta, patamanta kamachiykunatapis yachanan tiyan.
EddyJuniorqa politicata yachakuchkan, pay niwarqa, achkha politicokuna kamachiykunamanta mana imatapis yachankuchu nispa.
LucyKayqa manasina allin yuyaychu.
Eddy¿Imarayku?
LucyEddy, ñuqaqa tukuy municipiop qutuchakuyninman rini, qamtataq mana mayk'aqpis chaypi rikurqaykichu.
EddyAh… Ñuqa qutuchakuykunataqa chiqnikuni.
LucyEddy, uyariway… Kayqa ancha sasa llamk'ay.
LucyAchka qutuchakuykunaman rinayki tiyan, sapa kutitaq politicokunawan parlanayki tiyan.
EddyIchaqa politicokunawan parlayta chiqnikuni. Pillamantapis yanapata munasaq.
Eddy¡Juk yuyayniy tiyan! ¿Campañaypa kamachiq kayta munankimanchu?
Lucy¿Pi? ¿Ñuqa?
Eddy¡Arí! Qam achkha runata riqsinki, llaqtanchikmanta llakikunki, sumaq yuyaykunayuq ima kanki.
LucyMmm… ¡Chiqapuni!
EddyJinaqa… ¿Campañaypa kamachiqchu kanki?
LucyMana, imata nichkanki.
EddyIchaqa… ¿Imarayku?
LucyImaraykuchus kunanqa ñuqa kuraq kamachiq llaqtanchikmanta kayta munani.