Beawan masin Linwan juk raymi wasipi kachkanku.
¿Kay champán qiruytawan juk phututa urqhumankimanchu?Bea champánta upyachkanmanpisjina ruwan. Linqa phututa urqhun.
Mana sumaqchu rikch'awan, mana redes socialespi rikuchisaqchu.
¿Imaraykutaq chayjinatapu redes socialesmanta parlankiri?
Chiqamantaqa, mana anchatachu parlani. Ichaqa achka qhatiqkuna kapusuptinqa jasa llamk'ay tarinaqa.Beaqa phutu urqhuq warmita rikuchin.
Paywan ñuqaqwan kikin llamk'aymanta tapuqman rirqayku, ichaqa ¿pitaq llamk'ayta tarirqa? ¡Pay!
Imaraykuchus payqa redes socialespi riqsisqa kasqanrayku.
Ñuqa mana redes socialespi rikuchikunichu, chayrayku mana mayk'aqpis llamk'anata tarisaqchu.
¿Tusuchkapta juk phututa urqhuwankimanchu?Beaqa tusuyta qallarin.
¿Kusisqallasina kachkani?
Chayta tapunki chayqa, kutichiyninqa ichapis mana.
Mana sumaqchu rikch'awan. ¿Asirichkapta juk phututa urqhuwankimanchu?Beaqa ancha sinchita asikun.
Bea, ñuqa masiyki kani, mana phutu urqhuqniykichu. Imallatapis upyanaypaq mask'amusaq.Linqa ripun.
Chanta, Beaqa Linta aqha wasipi rikun.
Lin, qhispichiway. Chiqata ninki, mana phutu urqhuqniychu kanki, kaypi kusikunapaq kachkanchik.
Mana imachu. Musuq llamk'ayniypaq yachakuyniypi yanapawarqa.
¿Ima musuq llamk'ay?
Kunallan juk warmita riqsirqani.
Payqa ñuqa ancha allin kasqayta niwarqa, chaymanta redes sociales qutunpi juk llamk'ayta quwarqa.
¿Imaynataq chay kanmanri? ¡Qamqa mana redes socialespi rikhurillankipischu!
Yachani, chayrayku ñuqa ancha allin kasqayta nirqa.