En tugetab kerichek

Eddy ak Junior kogonye kerichekab Junior en tugetab kerichek.

Tos akany en sang?

Achicha, kerichekab kambitek guk ko negit kochobok.

Shhh! Manoe chi kole atinye kambitek.

Ago kit nebo gai agetugul abakora anyoru kambitek.

Kasarta neiteweri neune ni! Tos kimande?

Yoche kegany kericheguk.

Tos metinye tuyeng'ung' ak Juliana raani kemoi? Yoche kebe ngot komemoche igaagee.

Junior…

Werik oeng kochut tugetab kerichek ak kameng'wang'.

Tos chun koma choronoguk chebo sugul? Ngebe kekat ichek.

Oh, achicha! Mamoche kokeeron chorokchuk.

Junior kotyeme kouny gee ago kokeer werik inendet.

Junior!

Oh… chamgei.

Amunee isunye gee?

Eh… maunyegee.

Ne oldo kerichek kobolji Eddy ak Junior.

Kericheguk chebo kambitek ko chobot!

Chun ko kericheguk chebo kambitek, Junior? Ha, ha, ha, ha, ha!

Eh… achicha.

Junior kotinye kambitek! Ya netyan!

Werik, chun ko kerichek chuk. Ak kambitek ko tuguk chebo gai agetugul.

Eddy?

Eddy kokeer tuyenyin, Juliana.

Oh! Juliana! Chamgei!

Boyot? Kerichekab kambitek ko dolaisiek tiptem.

Eh…

Eddy, abwate ale neoldo kerichek kong'ololun.

Boyot, tos imoche kerichek anan achicha?

Eh… Eeh, kongoi.

Tos imi komie? Tos kibendi ketuitosi raani kemoi?

Eddy kogochi rabinik neoldo kerichek ak kolabat komong'u en tugetab kerichek ak Junior.

Saisere, Juliana! Ngetuyen raani kemoi!

Kamwaun alenjin kambitek koteweri biik!