Betut agenge en tabandab nyanjet

Oscar komiten karit ak werit netupcho, Osman.

Abaibai ami yu ak inye.

Eeh, koabwate ale koinyon betusiek oeng kityok…

Agane! Ago korabur en yu wigisiek somok!

Ye kiaitu, kiasase Los Ángeles, ago kiacham en iman amenye kongung' nebo goroba nekiten.

Ago nguni aboiboenjini nametabgee nebo karisiek ak amitwogik guk chetoroti borto.

Angen, koiam tugul.

Kwacham kora aamisiei en makawosiek chechang chebo kasari.

Eeh, ago merotinye rabinik ago non ko amune kayachan achob sandwich raani!

Osman konde karinyin ole negit ak tabandab nyanjet.

Kwong'utiet! raani kebendi keame lanji en yu.

Ago asase tabandap nyanjet!

Korek ichek en karit.

Achome tabandap nyanjet nguni ko kemeut kibwone kila betut!

Ago asase muchang'ek ak bekab nyanjet kotinye chumbik chechang. Yoe koaman konyek!

Kiasase tapandab nyanjet yekin ke logok. Tos kiiutyen non?

Tyem kityok iboiboienji.

Kotebot ichek en takuloit ak konem sandwich chekwak.

Ago maibu mwaitatab toget nenyun. Keer! togenyun tugul kopirir!

Kotiriren taritietab bek en ole negit Oscar ak kochor sandwich nenyin.

Sandwich nenyun! Ago nguni awendi aame nee?

Kokwer mpiret Oscar toget.

Ptoo!

Koserchi werto bek konyekab Oscar.

Oh, achicha! Konyek chuk!

Oscar, ngebe kotab goroba.

Kiite en saisiek oeng… Ingen ile yu komiten nametapkee nebo karisiek newo nea.

Asase Los Angeles!

Karon awendi gaa!