Kali nia

Vikram ak Priti kogonye chemung'araindet en sang nebo kot.

Achome koi, kararan ago wo nea!

Mmm… Mangen. Kali nia.

Koitu chemung'araindet.

Itagat! Tos kinamen ano?

En chiket, chome Vikram kochob amitwogik.

Kokeer ichek chiket. Priti koyote ovenit.

Vikram, yu imuche ichob kekisiek chechang cheonyiny!

Amuche ayai non en wui agetugul.

Ago tos kekeer ile miten mashinisiek oeng' che mwete tuguk?

Oeng'? Kararan! Tos ibwate nee, Vikram?

Agoegoe amwet tuguk en eunek.

Koba ichek ak chemung'araindet goroba nebo oeng'.

Tinye suum ang'wan che kirue!

Ane ak inye kityok! Makimoche suum chechang' che kirue.

Ago keer tiriochu… Echen!

Eeh, ak non komwoe kole kiboisien rabinik chechang keale tugukab tililindo.

Kali koi missing'.

Imuche amuche ang'ololji nebo kot agobo beit. Aweksei.

Chemung'araindet komanda en suum asi kopir simoit.

Tos ibagach ing'unyng'unye, kaigai?

Kitugul ko kebebertab arorutik chuk asi anyoru beit ne kaigai.

Kowek chemung'araindet.

Atinye logoiwek chemiach! Kang'alji chebo got ak koyan kochuchuch beit.

Kararan! Asi… kiale!

Achicha, makiyae non!

Ago kaabwate ale kecham!

Non ko kotomo akas magutik guk tugul.

Abwate ale imwae iman.

Koi kotinye suum chechang nia tirisiok ak mashinisiek chemwete tuguk!

Ago achome atinye mashinisiek oeng chemwete tuguk!

Tos kele igaegae imwet tuguk en eut?

Mami chi neigaigoe non.